Віншуем!!! Віктрыя Дрыжай заняла ІІІ месца ў рэспубліцы ў асабістым першынстве!

Дата: 6 мая 2022 в 10:37, Обновлено 6 мая 2022 в 10:59

Автор: Климова Е. Ю.

117 просмотров

Усе вучні нашай школы вельмі любяць урокі фізічнай культуры і здароўя . Асабліва Дрыжай Вікторыя , вучаніца 7 класа Салтаноўскай сярэдняй школы , якая на мінулым тыдні прымала ўдзел у рэспубліканскіх спаборніцтвах па летняму мнагаборству “ Здароўе “ сярод вучняў вясковых школ і заняла ў складзе зборнай Гомельскай вобласці ІІІ месца. А таксама Вікторыя заняла ІІІ месца ў рэспубліцы ў асабістым першынстве сярод дзяўчат 7 класаў.

Падрыхтоўкай Вікторыі займаўся настаўнік фізічнай культуры і здароўя вышэйшай катэгорыі Сівадзед Леанід Міхайлавіч. Ён мае вялікі вопыт працы і падрыхтаваў шмат прызёраў і спартыўных чэмпіёнаў сярод вучняў нашай школы. “ Віка—вельмі здольная, старанная вучаніца,--гаворыць Леанід Міхайлавіч. –На абласных спаборніцтвах па магаборству яна выйшла на першае месца.”

Вікторыя выхоўваецца ў шматдзетнай сям’і, дзе бацькі зацікаўлены ў развіцці фізічных здольнасцяў сваіх дзяцей, таму надаюць шмат увагі здароваму ладу жыцця, спартыўнаму выхаванню.Вікторыя наведвае разам са старэйшым братам Яраславам секцыю па футболу ў спартыўным комплексе “Надзея” г. Рэчыцы, а таксама ДЮСШ №2. Яе брат Яраслаў, вучань 10 класа, таксама не раз прыносіў нашай школе спартыўныя перамогі ў раённых і абласных спаборніцтвах па футболу і лёгкай атлетыцы.

Вялікая падзяка ад калектыву Салтаноўскай сярэдняй школы бацькам Дрыжай Анастасіі і Валерыю за развіццё фізічных здольнасцяў сваіх дзяцей і выхаванне культуры здаровага ладу жыцця. Будзем спадзявацца, што ў будучыні Вікторыя яшчэ не раз падыме нашу школу на п’едэстал перамогі.

Все новости

Комментарии:

Оставлять комментарии могут только авторизованные посетители.